ໂທເຄັນ WalletConnect (WCT) ແມ່ນຫຍັງ?
WalletConnect ເປັນໂປຣໂຕຄອນໂອເພນຊອດ ອອກແບບມາເພື່ອອຳນວຍຄວາມສະດວກໃນການສື່ສານລະຫວ່າງ Wallet ດິຈິຕອນ ແລະ ແອັບພຣິເຄຊັນແບບກະຈາຍອຳນາດ DApp ໂດຍຊ່ວຍໃຫ້ຜູ້ໃຊ້ສາມາດເຊື່ອມຕໍ່ Wallet ຂອງຕົນກັບ DApp ໄດ້ຜ່ານການສະແກນ QR ຫຼື ການເຊື່ອມໂຍງລິ້ງໂດຍກົງ ໂດຍບໍ່ຈຳເປັນຕ້ອງໃຊ້ສ່ວນຂະຫຍາຍຂອງບຣາວເຊີ ຫຼື ປ້ອນຂໍ້ມູນທີ່ຢູ່ຕົນເອງ. ໂປຣໂຕຄອນນີ້ຮອງຮັບການໂຕ້ຕອບຂ້າມເຄືອຂ່່າຍບ໋ອກເຊນຕ່າງໆ ໂດຍມີເປົ້າໝາຍເພື່ອເພີ່ມຄວາມສະດວກໃນການເຂົ້າເຖິງແພລັດຟອມ Web3.
ໂຄງການ WalletConnect ໄດ້ຖືກພັດທະນາເພື່ອແກ້ໄຂຄວາມບໍ່ມີປະສິດທິພາບໃນການເຊື່ອມຕໍ່ລະຫວ່າງ Wallet ດິຈີຕອນ ແລະ ແອັບພຣິເຄຊັນແບບກະຈາຍອຳນາດ (DApps) ໂດຍຕໍ່ມາໄດ້ພັດທະນາເປັນໂປຣໂຕຄອນ ແລະ ເຄືອຂ່່າຍແບບກະຈາຍອຳນາດ ທີ່ຮອງຮັບຜູ້ໃຊ້ຈຳນວນຫຼາຍ ແລະ ຫຼາກຫຼາຍແອັບພຣິເຄຊັນ.
ໂປຣໂຕຄອນນີ້ເຮັດໜ້າທີ່ເປັນຊັ້ນການສື່ສານທີ່ປອດໄພ ເຊິ່ງຊ່ວຍໃຫ້ສາມາດສົ່ງຂໍ້ມູນແບບເຂົ້າລະຫັດລະຫວ່າງ Wallet ດິຈິຕອນ ແລະ ແອັບພຣິເຄຊັນ ໄດ້. ການເຊື່ອມຕໍ່ຈະເລີ່ມຕົ້ນຜ່ານການສະແກນລະຫັດ QR ຫຼື ການຄຣິກລິ້ງ ຈາກນັ້ນຜູ້ໃຊ້ສາມາດອະນຸມັດ ຫຼື ປະຕິເສດທຸລະກຳໄດ້ ໂດຍບໍ່ຕ້ອງເປີດເຜີຍກະແຈສ່ວນຕົວຂອງຕົນເອງ. WalletConnect ຮອງຮັບເຄືອຄ່າຍລວມທັງ Ethereum, Solana, Cosmos, Polkadot, ແລະ Bitcoin.
WalletConnect ດໍາເນີນການຜ່ານສາມອົງປະກອບຕົ້ນຕໍ. ເຄືອຄ່າຍປະກອບດ້ວຍໂນດແບບກະຈາຍອຳນາດ ເຊິ່ງເຮັດໜ້າທີ່ສົ່ງຕໍ່ຂໍ້ຄວາມລະຫວ່າງ Wallet ແລະ DApps. ຊຸດການພັດທະນາຊອບແວ (SDKs) ທີ່ເປິດໃຫ້ສຳລັບນັກພັດທະນາ ເພື່ອນຳຟັງຊັນຂອງ WalletConnect ໄປໃຊ້ ແລະ ໂປຣໂຕຄອນຍັງໃຊ້ກົດເກນການສົ່ງຂໍ້ຄວາມແບບມາດຖານ ເພື່ອໃຫ້ແນ່ໃຈວ່າແອັບພຣິເຄຊັນຕ່າງໆ ສາມາດເຮັດວຽກຮ່ວມກັນໄດ້ສອດຄ້ອງກັນ ແລະ ມີປະສິດທິພາບ.
WCT ແມ່ນໂທເຄັນຢູຕິລິຕີດັ້ງເດີມຂອງລະບົບນິເວດ WalletConnect ໂດຍເປັນໂທເຄັນປະເພດ ERC-20 ທີ່ຖືກນຳໄປໃຊ້ໃນເຄືອຂ່່າຍ Optimism ມີຈຳນວນໂທເຄັນທັງໝົດ 1 ຕື້ໂທເເຄັນ. ການໃຊ້ງານຫຼັກຂອງມັນ ແມ່ນເພື່ອຄຸ້ມຄອງ ເຊິ່ງເປີດໂອກາດໃຫ້ຜູ້ຖືຄອງ ສາມາດມີສ່ວນຮ່ວມໃນການຕັດສິນໃຈ ກ່ຽວກັບ ການອັບເກຣດໂປຣໂຕຄອນ ແລະ ໂຄງສ້າງຄ່າທຳນຽມ. ນອກຈາກນີ້, ຍັງສາມາດນຳມາໃຊ້ໃນການສະເຕກກິ້ງ ໂດຍຜູ້ໃຊ້ສາມາດລ໋ອກໂທເຄັນໄວ້ໃນຊ່ວງເວລາຕ່າງໆ ເພື່ອຮອງຮັບຜົນຕອບແທນຈາກການມີສ່ວນຮ່ວມ ໃນເຄືອຂ່່າຍ. ຜູ້ດຳເນີນການໂນດ ແລະ ຜູ້ໃຫ້ບໍລິການຈະໄດ້ຮັບຄ່າທຳນຽມເປັນໂປຣໂຕຄອນ WCT ຕາມຕົວຊີ້ວັດດ້ານປະສິດທິພາບ ເຊັ່ນ: ເວລາທີ່ອອນໄລ ແລະ ຄຸນນະພາບການເຊື່ອມຕໍ່. ໃນອະນາຄົດ WCT ອາດຈະຖືກນຳມາໃຊ້ເປັນຄ່າທຳນຽມການເຮັດທຸລະກຳ ຖ້າໄດ້ຮັບການອະນຸມັດຈາກກົນໄກການຄຸ້ມຄອງ.
ຈຳນວນຫຼຽນໃນລະບົບຂອງໂທເຄນ WCT ແມ່ນ 186.2 ລ້ານໂທເຄັນໃນເວລາຂຽນ. WCT ໄດ້ຖືກຈົດທະບຽນໃນແພລັດຟອມ Binance ສໍາລັບການຊື້ຂາຍ ແລະ ການຊື້. ລາຄາປັດຈຸບັນຂອງ WCT ແມ່ນສາມາດກວດສອບ ແລະ ອັບເດດແບບຣ້ຽວທາມໃນ Binance.
