ຍິນດີຕ້ອນຮັບສູ່ Binance
ຢູ່ທີ່ Binance, ພວກເຮົາເຊື່ອວ່າທຸກຄົນຄວນມີອິດສະຫຼະໃນການຫາເງິນ, ເກັບທ້ອນ, ໃຊ້ຈ່າຍ ແລະ ແບ່ງປັນເງິນຂອງຕົນເອງ - ໂດຍບໍ່ໄດ້ຈໍາແນກວ່າ ທ່ານເປັນໃຜ, ມາຈາກໃສ.
$65 ຕື້
ປະລິມານສະເລ່ຍປະຈໍາວັນ
300 ຕື້
ທຸລະກໍາ Spot ໃນປີ 2022
24/7
ຮອງຮັບລູກຄ້າເປັນ 40 ພາສາ
ພາລະກິດຂອງພວກເຮົາ
ປະຈຸບັນນີ້ Binance ເປັນລະບົບນິເວດ Blockchain ຊັ້ນນໍາຂອງໂລກ ຊຶ່ງມີຊຸດຜະລິດຕະພັນທີ່ລວມຕະຫຼາດແລກປ່ຽນຊັບສິນດິຈິຕອນທີ່ໃຫຍ່ທີ່ສຸດ. ພາລະກິດຂອງພວກເຮົາ ແມ່ນເພື່ອເປັນຜູ້ໃຫ້ບໍລິການໂຄງຮ່າງພື້ນຖານສໍາລັບຄຣິບໂຕ ໃນໂລກອານາຄົດ.
ລະບົບນິເວດຂອງພວກເຮົາ
ແພລັດຟອມຂອງພວກເຮົາໄດ້ຮັບຄວາມໄວ້ວາງໃຈຈາກຫຼາຍລ້ານຄົນທົ່ວໂລກ ແລະ ມີຂໍ້ສະເໜີ portfolio ຜະລິດຕະພັນທາງການເງິນທີ່ບໍ່ມີໃຜທຽບໄດ້.
ຕະຫຼາດແລກປ່ຽນຂອງ Binance
ຕະຫຼາດແລກປ່ຽນ Binance ແມ່ນຕະຫຼາດແລກປ່ຽນຄຣິບໂຕທີ່ໃຫຍ່ທີ່ສຸດໂດຍປະລິມານການຊື້ຂາຍ ແລະ ຢູ່ພາຍໃຕ້ການຄວບຄຸມຂອງອົງການຄຸ້ມຄອງການບໍລິການທາງການເງິນ ADGM
ການຄົ້ນຄວ້າຂອງ Binance
ການຄົ້ນຄວ້າຂອງ Binance ສະໜອງການວິໄຈລະດັບສະຖາບັນ, ໃຫ້ຄວາມເຂົ້າໃຈເລິກເຊິ່ງ ແລະ ຂໍ້ມູນທີ່ເປັນກາງແກ່ຜູ້ເຂົ້າຮ່ວມໝົດທຸກຄົນໃນອຸດສາຫະກໍາຊັບສິນດິຈິຕອນ.
Binance Academy
ສະຖາບັນການສຶກສາຂອງ Binance ເປັນສູນການຮຽນຮູ້ທີ່ເປີດໃຫ້ເຂົ້າເຖິງ, ໃຫ້ການສຶກສາດ້ານ blockchain ແລະ ຄຣິບໂຕ ຟຣີໃນຫຼາຍກວ່າ 10 ພາສາ.
ອົງກອນການກຸສົນຂອງ Binance
ອົງກອນການກຸສົນຂອງ Binance ເປັນອົງກອນທີ່ບໍ່ຫວັງຜົນກໍາໄລ ເຊິ່ງອຸທິດຕົນເພື່ອສ້າງອະນາຄົດທີ່ໃຊ້ເທັກໂນໂລຢີ Web3 ເປັນພະລັງແຫ່ງຄວາມດີ.
Binance NFT
Binance NFTເປັນຕະຫຼາດ NFT ທາງການຂອງ Binance, ທີ່ເນັ້ນໃສ່ການສ້າງແພລັດຟອມທີ່ອີງໃສ່ຊຸມຊົນເພື່ອເພີ່ມປະສົບການຂອງຜູ້ໃຊ້.
Binance Square
Binance Square ເປັນຈຸດສໍາພັດອັນດຽວສໍາລັບແນວໂນ້ມຫຼ້າສຸດໃນ Web3, ສະແດງເນື້ອຫາຫຼາກຫຼາຍຈາກຜູ້ຊ່ຽວຊານສະກຸນເງິນຄຣິບໂຕ, ຜູ້ກະຕືລືລົ້ນ ແລະ ແຫຼ່ງສື່ມວນຊົນໃນຂະນະທີ່ກຳລັງອອກແບບສົດໆ.
ໃຫ້ຄວາມສໍາຄັນຕໍ່ຜູ້ໃຊ້ຂອງພວກເຮົາເໜືອສິ່ງອື່ນໃດ
ຜູ້ໃຊ້ເປັນຫົວໃຈສໍາລັບທຸກສິ່ງທີ່ພວກເຮົາດຳເນີນ. ນັບແຕ່ເລີ່ມຕົ້ນ, ພວກເຮົາດຳເນີນການປົກປ້ອງຜູ້ໃຊ້ເປັນບຸລິມະສິດສູງສຸດຂອງພວກເຮົາ. ນັ້ນແມ່ນເຫດຜົນທີ່ພວກເຮົາຝັງມາດຕະການຄວາມປອດໄພທີ່ລ້ຳສະໄໝ ແລະ ການຄວບຄຸມຄວາມເປັນສ່ວນຕົວຂອງຂໍ້ມູນຢ່າງເຂັ້ມງວດໃນທົ່ວລະບົບນິເວດຂອງ Binance.
ຜູ້ກໍ່ຕັ້ງຂອງພວກເຮົາ
CZ (Changpeng Zhao)
ຜູ້ຮ່ວມກໍ່ຕັ້ງ & ອະດີດ CEO
Changpeng Zhao, ຮູ້ຈັກໃນນາມເປັນ CZ, ແມ່ນເປັນຜູ້ປະກອບການຕໍ່ເນື່ອງ ທີ່ມີປະຫວັດການເຮັດວຽກທີ່ໜ້າປະທັບໃຈ ໃນດ້ານການລິເລີ່ມທຸລະກີດທີ່ສົບຜົນສໍາເລັດ. ລາວເປີດຕົວ Binance ໃນເດືອນກໍລະກົດ 2017 ແລະ ພາຍໃນ 180 ມື້, ເຮັດໃຫ້ Binance ເຕີບໃຫຍ່ເປັນຕະຫຼາດແລກປ່ຽນຊັບສິນດິຈິຕອນທີ່ໃຫຍ່ທີ່ສຸດໃນໂລກຕາມປະລິມານການຊື້ຂາຍ. ໂດຍທີ່ເປັນຜູ້ບຸກເບີກພາຍໃນອຸດສາຫະກໍາ Blockchain, CZ ສ້າງ Binance ເຂົ້າໃນລະບົບນິເວດ Blockchain ຊັ້ນນໍາ, ປະກອບດ້ວຍ Binance Exchange, Labs, Launchpad, Academy, Research, Trust Wallet, Charity, NFT ແລະອື່ນໆອີກ. CZ ໄດ້ໃຊ້ເວລາໃນໄວໜຸ່ມຂອງລາວເປັນພໍ່ຄົວເບີເກີກ່ອນທີ່ຈະໄປສຶກສາຢູ່ McGill University Montreal. ໃນປີ 2005, CZ ໄດ້ລາອອກຈາກຕໍາແໜ່ງຫົວໜ້າທີມຄົ້ນຄວ້າ ແລະ ພັດທະນາ Bloomberg Tradebook Futures ແລະ ຍ້າຍໄປເລີ່ມຕົ້ນລະບົບ Fusion ທີ່ຊຽງໄຮ້. ຫຼັງຈາກນັ້ນບໍ່ດົນ, ລາວໄດ້ຮຽນຮູ້ກ່ຽວກັບ Bitcoin ແລະ ເຂົ້າຮ່ວມ Blockchain.com ເປັນຫົວໜ້າຝ່າຍເຕັກໂນໂລຊີ.
ເບິ່ງເພີ່ມເຕີມ
Yi He
ຮອງປະທານເຈົ້າໜ້າທີ່ບໍລິຫານ & ຜູ້ຮ່ວມກໍ່ຕັ້ງ
Yi He ເປັນຜູ້ນໍາພາທຸລະກິດ, ການຕະຫຼາດ, ແລະ ຍຸດທະສາດການສ້າງຍີ່ຫໍ້ສິນຄ້າຢູ່ Binance. Yi ໄດ້ນໍາພາຍຸດທະສາດທຸລະກິດທີ່ຢູ່ເບື້ອງຫຼັງການເຕີບໂຕຂອງ Binance ກາຍເປັນຕະຫຼາດແລກປ່ຽນເງິນຄຣິບໂຕທີ່ໃຫຍ່ທີ່ສຸດຂອງໂລກ – ໂດຍໄດ້ຫັນບໍລິສັດຈາກພຽງແຕ່ເປັນແພລັດຟອມການຊື້ຂາຍ ຄຣິບໂຕ ດ້ວຍ ຄຣິບໂຕ ໄປສູ່ລະບົບນິເວດ Blockchain ຂອງໂລກ. ກ່ອນທີ່ຈະຮ່ວມກໍ່ຕັ້ງ Binance, Yi ເຄີຍເປັນຮອງປະທານທີ່ Yixia Technology, ບໍລິສັດເຕັກໂນໂລຊີວີດີໂອມືຖືຊັ້ນນໍາທີ່ຢູ່ເບື້ອງຫຼັງແອັບມືຖືຍອດນິຍົມຕ່າງໆເຊັ່ນ: Miaopai, Xiaokaxiu, ແລະ Yizhibo, ເຊິ່ງເປັນບ່ອນທີ່ລາວໄດ້ນໍາພາຍຸດທະສາດການສ້າງຍີ່ຫໍ້ສິນຄ້າ ແລະ ການດໍາເນີນງານດ້ານການຕະຫຼາດ. ລາວຍັງເປັນສ່ວນຮາກຖານຂອງຍຸດທະສາດການລະດົມທຶນ ເຊິ່ງເຮັດໃຫ້ມູນຄ່າຂອງບໍລິສັດຂັບເຄື່ອນເຖິງມູນຄ່າຫຼາຍກວ່າ USD$3+ ຕື້. ນອກຈາກນັ້ນ, Yi ຍັງເປັນຜູ້ຮ່ວມກໍ່ຕັ້ງຂອງຕະຫຼາດແລກປ່ຽນຊັບສິນດິຈິຕອນ OKCoin ລະຫວ່າງປີ 2014 ແລະ 2015. Yi ໄດ້ຮັບການຍອມຮັບວ່າເປັນໜຶ່ງໃນຜູ້ປະກອບການທີ່ມີອິດທິພົນທີ່ສຸດໃນອຸດສາຫະກໍາ blockchain ແລະ ຊ່ວຍສ້າງທ່າອ່ຽງການຈ້າງຜູ້ບໍລິຫານເພດຍິງໃນອຸດສາຫະກໍາເທັກໂນໂລຢີທີ່ຄວບຄຸມສ່ວນໃຫຍ່ໂດຍເພດຊາຍ, ເຊິ່ງເພີ່ມຄວາມເຊື່ອໝັ້ນຂອງຕະຫຼາດໃນຜູ້ນໍາເພດຍິງ.
ເບິ່ງເພີ່ມເຕີມ
ຄະນະກຳມະການບໍລິຫານຂອງກຸ່ມ Binance
Gabriel Abed
ປະທານສະພາບໍລິຫານ (ສະມາຊິກສະພາເອກະລາດ)
ທ່ານ Gabriel Abed ເປັນຜູ້ປະກອບການດ້ານເຕັກໂນໂລຢີທີ່ໄດ້ຮັບການຍອມຮັບທົ່ວໂລກ, ສະມາຊິກສະພາບໍລິຫານທີ່ມີລະດູການ ແລະ ອະດີດນັກການທູດທີ່ມີຄວາມຊ່ຽວຊານໃນຈຸດຕັດກັນຂອງນະວັດຕະກໍາລະບຽການ ແລະ ເຕັກໂນໂລຢີທາງດ້ານການເງິນ. ລາວມີປະສົບການຫຼາຍກວ່າ 13 ປີ ໃນອຸດສາຫະກໍາ Blockchain ແລະ ໄດ້ນໍາທາງພູມສັນຖານທາງດ້ານການເງິນທີ່ສັບສົນພາຍໃນສະພາບແວດລ້ອມທີ່ມີການຄວບຄຸມໃນທົ່ວອຸດສາຫະກໍາ ແລະ ປະເທດຕ່າງໆ. ທ່ານ Abed ໄດ້ເປີດສະຖານທູດ Barbadian ແຫ່ງທຳອິດຢູ່ຕາເວັນອອກກາງ, ດຳລົງຕຳແໜ່ງເປັນເອກອັກຄະລັດຖະທູດ Barbados ປະຈຳສະຫະປະຊາຊາດ ແລະ ເອກອັກຄະລັດຖະທູດບໍ່ແມ່ນຜູ້ຢູ່ອາໃສປະເທດ Kuwait.
ໃນປີ 2013, ທ່ານ Abed ເປັນ CEO ຜູ້ກໍ່ຕັ້ງຂອງ Bitt, ເຊິ່ງເປັນບໍລິສັດຜູ້ບຸກເບີກທີ່ນໍາສະເໜີໜຶ່ງໃນທະນາຄານກາງສະກຸນເງິນດິຈິຕອນ (CBDCs) ທີ່ເກົ່າແກ່ທີ່ສຸດໃນໂລກ. ໃນປີ 2016, ລາວໄດ້ຮ່ວມກໍ່ຕັ້ງ Digital Asset Capital Management (DACM), ເຊິ່ງເປັນກອງທຶນປ້ອງກັນຄວາມສ່ຽງທີ່ມີປະສິດທິພາບດີທີ່ສຸດໃນປະເພດຂອງຕົນຢ່າງໄວວາ. ປັດຈຸບັນນີ້, ລາວຍັງສືບຕໍ່ເປັນຜູ້ນໍາພາທາງດ້ານເສດຖະກິດດິຈິຕອນ, ລະບຽບການ ແລະ ເຕັກໂນໂລຊີ blockchain.
ໃນເດືອນເມສາ 2018, ທ່ານ Abed ໄດ້ຖືກແຕ່ງຕັ້ງເປັນທີ່ປຶກສາດ້ານເຕັກໂນໂລຊີພິເສດໃຫ້ແກ່ທ່ານ David Burt ທີ່ເປັນກຽດແຫ່ງເບີມິວດາ. ໃນປີ 2020 ລາວໄດ້ມີບົດບາດເປັນຜູ້ນໍາໃນສະພາອະນາຄົດຂອງໂລກຂອງເວທີປາໄສເສດຖະກິດໂລກ (World Economic Forum’s Global Future Council) ກ່ຽວກັບກຸ່ມກອບວຽກລະບຽບການຂອງສະກຸນເງິນຄຣິບໂຕ. ລາວຍັງໄດ້ເປັນສະມາຊິກຂອງຕະຫຼາດຫຼັກຊັບ Barbados ແລະ ຂອງທະນາຄານ ANSA (Trinidad). ທ່ານ Abed ດຳລົງຕຳແໜ່ງເປັນກຳມະການກຽດຕິຍົດຂອງຄະນະກຳມາທິການການບໍລິການດ້ານການເງິນຂອງ Barbados ສຳລັບ FinTech.
ທ່ານ Abed ຈົບປະລິນຍາຕີຈາກມະຫາວິທະຍາໄລ Ontario Technology, ລະດັບປະລິນຍາຕີດ້ານເຕັກໂນໂລຊີຂໍ້ມູນຂ່າວສານ, ສາຂາວິຊາຄວາມປອດໄພເຄືອຂ່າຍ. ເນື່ອງຈາກການປະກອບສ່ວນຂອງລາວຕໍ່ເຕັກໂນໂລຊີ Blockchain ແລະ ກົດລະບຽບ, ທ່ານ Abed ຍັງໄດ້ຮັບປະລິນຍາເອກທາງດ້ານກົດໝາຍໂດຍມະຫາວິທະຍາໄລ West Indies.
ໃນຖານະເປັນປະທານຄະນະກໍາມະການບໍລິຫານຂອງ Binance, ທ່ານ Abed ຍັງຄົງອຸທິດຕົນ ເພື່ອສ້າງສາຍພົວພັນຫຼາຍຝ່າຍໃນທົ່ວລັດຖະບານ, ການປົກຄອງ, ເຕັກໂນໂລຊີ ແລະ ລະບຽບການ.
Xin Wang
ສະມາຊິກສະພາເອກະລາດ
Xin Wang ເປັນທະນາຍຄວາມທີ່ມີຄຸນວຸດທິຢູ່ໃນລັດຄາລິຟໍເນຍ ແລະ ເປັນທະນາຍຄວາມຂອງປະເທດອັງກິດ ແລະ Wales ມີປະສົບການຢ່າງກວ້າງຂວາງໃນ Leverage, ການຊື້ກິດຈະການ ແລະ ການສະໜອງທຶນໂຄງການເຊັ່ນດຽວກັນກັບການລວມຕົວ ແລະ ການຊື້ (M&A). ທ່ານນາງ Wang ເປັນສະມາຊິກຄະນະບໍລິຫານເອກະລາດຂອງຄະນະກໍາມະການບໍລິຫານ Binance.
ທ່ານ ນາງ Wang ເປັນ CEO ຂອງ Bayview Acquisition Corp, ບໍລິສັດທີ່ໄດ້ຊື້ກິດຈະການດ້ວຍຈຸດປະສົງພິເສດທີ່ມີລາຍຊື່ຢູ່ NASDAQ. ນາງຍັງເຮັດໜ້າທີ່ເປັນຄູ່ຮ່ວມງານທີ່ປຶກສາຂອງ BHR Partners, ບໍລິສັດທີ່ສຸມໃສ່ການລົງທຶນຂອງເອກະຊົນທີ່ມີຍຸດທະສາດໃນ M&A ຂ້າມຊາຍແດນໂດຍເນັ້ນໃສ່ສະເພາະໃນຂະແໜງການຜະລິດ ແລະ ຊັບພະຍາກອນທໍາມະຊາດທີ່ສູງ. ກ່ອນທີ່ຈະມາຢູ່ BHR, ນາງໄດ້ເປັນທີ່ປຶກສາກັບບໍລິສັດກົດໝາຍສາກົນຂອງ White & Case. ທ່ານ ນາງ Wang ໄດ້ຮັບປະລິນຍາຕີດ້ານການຄ້າຈາກມະຫາວິທະຍາໄລ McGill ແລະ ປະລິນຍາເອກ Juris ຈາກ Boston University School of Law.
Max Yang
ສະມາຊິກສະພາເອກະລາດ
Max Yang ເປັນນັກຍຸດທະສາດ ແລະ ຜູ້ນໍາບໍລິສັດທີ່ມີປະສົບການລະດັບໂລກທີ່ມີເສັ້ນທາງອາຊີບທີ່ໂດດເດັ່ນໃນທົ່ວເອີຣົບ, ອາຊີ, ອາຟຣິກາ ແລະ ອາເມລິກາ. ໃນຖານະຜູ້ມີປະສົບການຫຼາຍໃນອຸດສາຫະກຳສິນຄ້າອຸປະໂພກ, ລາວໄດ້ອຸທິດເວລາຫຼາຍທົດສະວັດໃນການຂັບເຄື່ອນການເຕີບໂຕທາງທຸລະກິດ, ຊຸກດັນການປ່ຽນແປງເຊີງກົນລະຍຸດ ແລະ ເສີມສ້າງການຄຸ້ມຄອງອົງກອນ—ທັງໃນບໍລິສັດຢູ່ໃນກຸ່ມ Fortune 500 ບໍລິສັດຂ້າມຊາດ ແລະ ທຸລະກິດຂະໜາດກາງ ແລະ ນ້ອຍ (SME) ທີ່ມີການເຕີບໂຕຢ່າງວ່ອງໄວ. ຄວາມຊ່ຽວຊານຂ້າມທະວີບຂອງລາວສ້າງການເຊື່ອມໂຍງຄວາມເປັນເລີດທາງດ້ານການດຳເນີນງານເຂົ້າກັບພາວະຜູ້ນຳເຊີງວິໄສທັດໃນຕະຫຼາດຕ່າງປະເທດທີ່ມີຄວາມຊັບຊ້ອນ ແລະ ປ່ຽນແປງຢ່າງວ່ອງໄວ.
Richard Teng
ທ່ານ ຣີຊາດ ເຕັງ (Richard Teng) ເປັນປະທານເຈົ້າໜ້າທີ່ບໍລິຫານຮ່ວຂອງ Binance; ກ່ອນໜ້ານີ້ເຄີຍດຳລົງຕຳແໜ່ງເປັນ CEO ຂອງ Binance Singapore ແລະ ມີບົດບາດໃນການເບິ່ງແຍງພາກພື້ນອາຊີຕາເວັນອອກກາງ ແລະ ອາຟຣິກາເໜືອ (MENA), ພາກພື້ນເອີຣົບ ແລະ ທ້າຍສຸດແມ່ນທຸກພາກພື້ນນອກສະຫະລັດອາເມລິກາໃນຖານະຫົວໜ້າຕະຫຼາດພາກພື້ນຂອງ Binance. ໃນບົດບາດນີ້, ທ່ານໄດ້ນຳພາທີມງານພາກພື້ນເພື່ອຮັກສາຄູ່ຮ່ວມມືທາງຍຸດທະສາດ, ສົ່ງເສີມລະບົບນິເວດແຫ່ງນະວັດຕະກໍາ ແລະ ຂະຫຍາຍລະບົບນິເວດຄຣິບໂຕໃນແຕ່ລະພາກພື້ນ.
ກ່ອນທີ່ຈະເຂົ້າຮ່ວມ Binance, ທ່ານ Teng ແມ່ນອະດີດຜູ້ຄວບຄຸມລະບຽບການ. ລາວເປັນ CEO ຂອງອົງການຄວບຄຸມການບໍລິການທາງດ້ານການເງິນທີ່ຕະຫຼາດໂລກ Abu Dhabi (ADGM), ເຊິ່ງແມ່ນບ່ອນທີ່ລາວ ໄດ້ສະແດງຄວາມສາມາດຂອງລາວໃນນາມເປັນຫນຶ່ງໃນຜູ້ຄວບຄຸມນະວັດຕະກໍາທີ່ສໍາຄັນຂອງໂລກ. ປະສົບການອັນໃຫຍ່ຫຼວງຂອງທ່ານ Teng ຍັງລວມເອົາບົດບາດກ່ອນໜ້ານີ້ໃນຖານະເປັນຫົວໜ້າຜູ້ບໍຄຸ້ມຄອງລະບຽບການຂອງຕະຫຼາດແລກປ່ຽນຕາສິງກະໂປ (SGX) ແລະ ຜູ້ອໍານວຍການຝ່າຍການເງິນຂອງບໍລິສັດທີ່ອົງການການເງິນສິງກະໂປ (MAS). ທ່ານ Teng ໄດ້ຮັບປະລິນຍາໂທສາຂາ Applied Finance (ກຽດນິຍົມ) ຈາກມະຫາວິທະຍາໄລ Western Australia ແລະ ປະລິນຍາຕີສາຂາບັນຊີ (ຊັ້ນ 1) ຈາກມະຫາວິທະຍາໄລເຕັກນິກ Nanyang.
Roger Wang
ທ່ານ ໂຣເຈີ ຫວັງ (Roger Wang) ແມ່ນຜູ້ຊ່ຽວຊານອັນດັບຕົ້ນໆດ້ານຜະລິດຕະພັນໃນ Binance ແລະ ເປັນໜຶ່ງໃນສະມາຊິກຜູ້ກໍ່ຕັ້ງອົງກອນ. ທ່ານໄດ້ພັດທະນາເຕັກໂນໂລຢີທີ່ທັນສະໄໝທີ່ຂັບເຄື່ອນນະວັດຕະກໍາ Web3 ຜ່ານແພລດຟອມ Binance. ທ່ານເປັນຜູ້ຮັບຜິດຊອບໃນການອອກແບບ ແລະ ຈັດຕັ້ງປະຕິບັດແພລດຟອມຕະຫຼາດແລກປ່ຽນ ແລະ ລະບົບກະເປົາເງິນ, ຮັບປະກັນຄວາມປອດໄພ, ຄວາມໝັ້ນຄົງ ແລະ ຄວາມສາມາດໃນການຂະຫຍາຍຕົວ. ທ່ານເຮັດວຽກໃນອຸດສາຫະກໍາການເງິນມາຫຼາຍກວ່າ 10 ປີ. ກ່ອນເຂົ້າຮ່ວມກັບ Binance, ທ່ານ Wang ໄດ້ມີບົດບາດສຳຄັນໃນການພັດທະນາລະບົບການຈອງສິນເຊື່ອ, ການວິເຄາະ ແລະ ການຕະຫຼາດໃນ Nomura ແລະ ລະບົບຫຼັກຊັບໃນ Morgan Stanley.
Heina Chen
Heina Chen ເປັນຜູ້ບໍລິຫານອາວຸໂສ ແລະ ຜູ້ຮ່ວມກໍ່ຕັ້ງຂອງ Binance. ດ້ວຍປະສົບການ Web3 ເລິກຊຶ້ງ, ທ່ານນາງ Chen ຄຸ້ມຄອງການເກັບກູ້, ການຊໍາລະສະສາງ ແລະ ຄັງເງິນຢູ່ Binance ແລະ ຍັງຮັບຜິດຊອບໃນການປະຕິບັດຍຸດທະສາດ, ການປັບປຸງນະໂຍບາຍຂອງບໍລິສັດ ແລະ ການຄຸ້ມຄອງການດໍາເນີນທຸລະກິດ. ທ່ານນາງ Chen ມີປະສົບການຫຼາຍກວ່າ 14 ປີ ໃນການຄຸ້ມຄອງການດໍາເນີນງານ ແລະ ປະສົບການຜູ້ປະກອບການ. ຄວາມກວ້າງຂອງປະສົບການຂອງນາງປະກອບມີການເບິ່ງແຍງຫ້ອງການທັງໝົດກວມເອົາໜ້າທີ່ທາງການເງິນ, HR, ບໍລິຫານ, ການເກັບກູ້ ແລະ ຄັງເງິນ ສໍາລັບຕະຫຼາດແລກປ່ຽນສະກຸນເງິນຄຣິບໂຕທີ່ໃຫຍ່ທີ່ສຸດຂອງໂລກ. ກ່ອນທີ່ຈະມາເຮັດວຽກຢູ່ Binance, ທ່ານນາງ Chen ເປັນຫົວໜ້າຝ່າຍປະຕິບັດການ ແລະ ຜູ້ຮ່ວມກໍ່ຕັ້ງຂອງ Bijie Tech, ບໍລິສັດພັດທະນາຊໍແວທີ່ສະໜອງຕະຫຼາດແລກປ່ຽນເປັນແພລັດຟອມການບໍລິການກັບຕະຫຼາດແລກປ່ຽນອື່ນໆ. ທ່ານນາງ Chen ມີປະລິນຍາໂທ EMBA ຈາກມະຫາວິທະຍາໄລແຫ່ງຊາດສິງກະໂປ ແລະ ປະລິນຍາຕີສາຂາການເງິນ ແລະ ບັນຊີຈາກມະຫາວິທະຍາໄລການເງິນ ແລະ ເສດຖະສາດຊຽງໄຮ.
Yi He
ທ່ານນາງ Yi He ແມ່ນ ປະທານເຈົ້າໜ້າທີ່ບໍລິຫານຮ່ວມ ແລະ ຜູ້ຮ່ວມກໍ່ຕັ້ງ Binance ເຊິ່ງເປັນສ່ວນສຳຄັນຂອງທີມຜູ້ບໍລິຫານລະດັບສູງ ທີ່ມີໜ້າທີ່ຮັບຜິດຊອບໃນການກຳນົດວິໄສທັດ ແລະ ຍຸດທະສາດທາງທຸລະກິດຂອງ Binance. ທ່ານນາງ He ເບິ່ງແຍງການດຳເນີນງານປະຈຳວັນ ແລະ ການບໍລິຫານຂອງຫຼາຍໜ່ວຍງານທີ່ສຳຄັນ, ລວມທັງຝ່າຍບຸກຄະລາກອນ, ການຕະຫຼາດ, ການສື່ສານທົ່ວໂລກ, ການບໍລິການລູກຄ້າ, ແລະ ສາຍຜະລິດຕະພັນທີ່ສຳຄັນເຊັ່ນ: Binance Earn, Binance Square, ແລະ Binance Academy. ພາຍໃຕ້ການນຳພາຂອງທ່ານນາງ He, Binance ໄດ້ສືບຕໍ່ການຂະຫຍາຍຕົວຢ່າງໂດດເດັ່ນ, ໂດຍມີຜູ້ໃຊ້ລົງທະບຽນເຖິງ 250 ລ້ານຄົນພາຍໃນເດືອນມັງກອນ 2025, ເຊິ່ງສູງທີ່ສຸດໃນບັນດາອົງກອນຄຣິບໂຕທົ່ວໂລກ.
ຄວາມພະຍາຍາມຫຼັກດ້ານຄວາມຮັບຜິດຊອບຕໍ່ສັງຄົມຂອງ Binance ບໍ່ວ່າຈະເປັນການໃຫ້ຄວາມສຳຄັນກັບຜູ້ໃຊ້, ການຕອບແທນຊຸມຊຸນ ແລະ ການສະໜັບສະໜູນການເຕີບໂຕໃນໄລຍະຍາວຂອງອຸດສາຫະກຳ ລ້ວນແລ້ວແຕ່ຂັບເຄື່ອນຂອງ Yi. ນາງໄດ້ກຳນົດຄຸນຄ່າທີ່ເນັ້ນໃສ່ຜູ້ໃຊ້ເປັນສູນກາງຂອງ Binance, ໂດຍເຮັດໃຫ້ຜູ້ໃຊ້ເປັນຫົວໃຈຫຼັກຂອງທຸລະກິດ ແລະ ເຮັດໃຫ້ການບໍລິການລູກຄ້າເປັນສ່ວນສຳຄັນຂອງການດຳເນີນທຸລະກິດປະຈຳວັນ, ພ້ອມທັງຂະຫຍາຍບົດບາດຂອງຝ່າຍຊ່ວຍເຫຼືອລູກຄ້າໃນຊ່ວງເລີ່ມຕົ້ນຂອງບໍລິສັດ. ໃນວົງການຄຣິບໂຕ, ນາງເປັນທີ່ຮູ້ຈັກໃນນາມ ຫົວໜ້າຝ່າຍບໍລິການຜູ້ລູກ.
ນອກຈາກນີ້, ອົງກອນການກຸສົນຂອງ Binance ຍັງເປັນແນວຄິດລິເລີ່ມໂດຍນາງ He, ອົງກອບບໍ່ຫວັງຜົນກຳໄລທີ່ໃຊ້ເທັກໂນໂລຢີບລັອກເຊນໃນການໃຫ້ຄວາມຊ່ວຍເຫຼືອແກ່ຊຸມຊົນທີ່ຕ້ອງການຢ່າງໂປ່ງໃສ່ ແລະ ກົງໄປກົງມາ. ນາງເປັນຜູ້ສະໜັບສະໜູນຫຼັກໃນການຕອບແທນເພື່ອສ້າງອະນາຄົດທີ່ເທັກໂນໂລຢີ Web3 ຖືກນໍາໃຊ້ເພື່ອສ້າງຜົນປະໂຫຍດຕໍ່ສ່ວນລວມ. ອົງກອນການກຸສົນຂອງ Binance ໄດ້ບໍລິຈາກຫຼາຍກວ່າ 40 ລ້ານໂດລາ ໃຫ້ກັບຜູ້ໄດ້ຮັບຜົນປະໂຫຍດ 3.8 ລ້ານຄົນ ນັບຕັ້ງແຕ່ການເລີ່ມກໍ່ຕັ້ງໃນປີ 2018 ຫາ Q1 2025. ນາງຍັງເຄີບເປັນຜູ້ນຳການລົງທຶນຂອງ YZi Labs (ທີ່ເອີ້ນວ່າ Binance Labs) ເຊິ່ງເປັນຄວາມພະຍາຍາມໃນການລົງທຶນ, ເນັ້ນໜັກ ແລະ ສະແດງໃຫ້ເຫັນຄວາມພະຍາຍາມດ້ານການລົງທຶນທີ່ເນັ້ນການນຳຜົນກຳໄລ ກັບມາສູ່ລະບົບນິເວດບລັອກເຊນທົ່ວໂລກ ເພື່ອສົ່ງເສີມການເຕີບໂຕໃນໄລຍະຍາວຂອງອຸດສາຫະກຳ.
