Maple Finance ລາຄາ (SYRUP)

SYRUP ເປັນໂທເຄັນດັ້ງເດີມຂອງ Maple Finance ເປັນແພລັດຟອມດ້ານການເງິນແບບບໍ່ມີສູນກາງຄຸ້ມຄອງ (DeFi) ທີ່ເປີດຕົວໃນປີ 2019. ແພລັດຟອມດັ່ງກ່າວຖືກອອກແບບເພື່ອອຳນວຍຄວາມສະດວກໃນການປ່ອຍເງິນກູ້ແກ່ສະຖາບັນໂດຍການເຊື່ອມໂຍງຜູ້ກູ້ຢືມທີ່ໄດ້ຮັບການຮັບຮອງ ກັບຜູ້ໃຫ້ບໍລິການສະພາບຄ່ອງໂດຍຜ່ານໂຄງສ້າງພື້ນຖານ Blockchain. Maple Finance ສະໜອງເງິນກູ້ດອກເບ້ຍຄົງທີ່, ວົງເງິນກູ້ສູງທີ່ມີຫຼັກປະກັນສູງກວ່າເງິນກູ່ ເຊິ່ງສ້າງສະພາບແວດລ້ອມການໃຫ້ກູ້ຢືມທີ່ປອດໄພ ແລະ ຊ່ວຍໃຫ້ຜູ້ໃຫ້ບໍລິການສະພາບຄ່ອງໄດ້ຮັບຜົນຕອບແທນສະໝໍ່າສະເໝີ

ໂຄງການດັ່ງກ່າວແມ່ນສຸມໃສ່ການປັບປຸງຕະຫຼາດທຶນແບບດັ້ງເດີມໂດຍການລວມເອົາເທັກໂນໂລຢີ Blockchain ແລະ ສະມາດຄັອນແທຣັກເຂົ້າກັນ ເພື່ອຮັບປະກັນຄວາມໂປ່ງໃສ ແລະ ປະສິດທິພາບໃນການດໍາເນີນງານ. ແພລັດຟອມການໃຫ້ກູ້ຢືມຫຼັກຂອງ Maple ໃຫ້ບໍລິການແກ່ຜູ້ໃຊ້ລະດັບສະຖາບັນຜ່ານຕະຫຼາດທີ່ໄດ້ຮັບອະນຸຍາດ, ໃນຂະນະທີ່ Syrup ຂະຫຍາຍໂອກາດການກູ້ຢືມເຫຼົ່ານີ້ໄປຍັງເປົ້າໝາຍດ້ານການເງິນແບບທີ່ບໍ່ມີສູນກາງຄຸ້ມຄອງ (DeFi) ທີ່ກວ້າງຂວາງຂຶ້ນ. Syrup ອະນຸຍາດໃຫ້ຜູ້ໃຊ້ສ່ວນບຸກຄົນເຂົ້າເຖິງໂອກາດທີ່ມີຜົນຕອບແທນຄືກັນກັບທີ່ມີໃຫ້ແກ່ສະຖາບັນດ້ວຍການເຂົ້າຮ່ວມໃນຕະຫຼາດເຄຣດິດສ່ວນຕົວໃນລະບົບຕ່ອງໂສ້ຂອງ Maple.

SYRUP ໃຫ້ບໍລິການຫຼາຍຟັງຊັ່ນພາຍໃນລະບົບນິເວດ Maple. ມັນເຮັດໜ້າທີ່ເປັນ ໂທເຄັນການປົກຄອງ ເຊິ່ງຊ່ວຍໃຫ້ຜູ້ຖືຄອງສາມາດລົງຄະແນນສຽງໃນການປ່ຽນແປງໂປຣໂຕຄອນ ແລະ ມີສ່ວນຮ່ວມໃນຂະບວນການຕັດສິນໃຈທີ່ສໍາຄັນ. ໂທເຄັນດັ່ງກ່າວ ຍັງຮັບຮອງການສະເຕັກ ທີ່ອະນຸຍາດໃຫ້ຜູ້ໃຊ້ປ່ຽນ SYRUP ເປັນ SYRUP ທີ່ມີການສະເຕັກ (stSYRUP) ເພື່ອຮັບຜົນຕອບແທນເພີ່ມ. ຜູ້ໃຊ້ຂອງ Syrup ຈະໄດ້ຮັບ “Drips” ເຊິ່ງຖືກປ່ຽນເປັນໂທເຄັນ SYRUP ທີ່ໃຫ້ບໍລິການກົນໄກສໍາລັບການມີສ່ວນຮ່ວມທີ່ກວ້າງຂວາງໃນການສ້າງຜົນຕອບແທນຂອງແພລັດຟອມ.
 
 ໂທເຄັນດັ່ງກ່າວໄດ້ຮັບການເປີດຕົວຢ່າງເປັນທາງການໃນວັນທີ 13 ພະຈິກ 2024 ແລະ ປ່ຽນແທນໂທເຄັນກ່ອນໜ້າທີ່ຊື່ວ່າ MPL. ຜູ້ທີ່ຍັງຖືຄອງ MPL ຢູ່ກໍ່ສາມາດປ່ຽນໂທໂທນຂອງຕົນມາເປັນ SYRUP ໄດ້ໃນອັດຕາສ່ວນຂອງ 1 MPL ກັບ 100 SYRUP.

ໂປຣໂຕຄອນ Maple Finance ປະກອບມີສີ່ ບົດບາດສຳຄັນ. ບັນດາຕົວແທນ Pool, ປົກກະຕິແລ້ວເປັນບໍລິສັດການຊື້ຂາຍທີ່ມີປະສົບການ, ຄຸ້ມຄອງ Pool ການໃຫ້ກູ້ຢືມໂດຍການຮັບຜູ້ກູ້ຢືມເຂົ້າມາ ແລະ ເຈລະຈາເລື່ອງສັນຍາເງິນກູ້. ຜູ້ກູ້ຢືມ, ເມື່ອໄດ້ຮັບການອະນຸມັດໂດຍຕົວແທນ Pool ແລ້ວ ແມ່ນຈະສາມາດເຂົ້າເຖິງສະພາບຄ່ອງໃນອັດຕາດອກເບ້ຍ ແລະ ໄລຍະເວລາການກູ້ຢືມທີ່ກໍານົດໄວ້ລ່ວງໜ້າ. ຜູ້ໃຫ້ກູ້ສະໜອງທຶນໃຫ້ແກ່ Pool ການໃຫ້ກູ້ຢືມໂດຍພິຈາລະນາຕາມຄວາມສູງ ແລະ ຜົນຕອບແທນທີ່ຕ້ອງການ. ຜູ້ສະໜອງ (Cover Providers) ແມ່ນສະໜອງທຶນທີ່ເປັນການສູນເສຍຄັ້ງທໍາອິດໃຫ້ກັບ Pool ການໃຫ້ກູ້ຢືມ ແລະ ໄດ້ຮັບການຜົນຕອບແທນດ້ວຍສ່ວນແບ່ງຂອງດອກເບ້ຍສໍາລັບຄວາມສ່ຽງໃນການຜິດນັດການຊໍາລະໜີ້.

ການສະໜອງທັງໝົດຂອງໂທເຄັນ SYRUP ແມ່ນ 1.18 ຕື້ໂທເຄັນ ໃນຂະນະທີ່ຈຳນວນຫຼຽນໃນລະບົບຢູ່ທີ 1.06 ຕື້ SYRUP.  SYRUP ແມ່ນໄດ້ຮັບການຈົດທະບຽນຢູ່ໃນ Binance ສໍາລັບການຄ້າ ແລະ ການຊື້ຂາຍ. ລາຄາປັດຈຸບັນຂອງ SYRYP ແມ່ນມີການອັບເດດຕາມເວລາຈິງໃນ Binance.