يا شباب عم تسألوا حالكم: "إذا بلاك روك والبيت الأبيض و الحيتان عم يشتروا لكان ليش سعر لــ #Bitcoin عم ينزل ؟
الجواب بسيط بس بده تركيز القصة مو "تخبيص" بالسوق القصة "فخ" محكم اللعبة مقسومة نصين في شي اسمه سوق "السبوت" (الشراء الحقيقي) وفي "الفيوتشر" (العقود والرافعة المالية) الحيتان عم يشتروا "سبوت" على الساكت وبكميات مرعبة وبنفس الوقت عم يضربوا السعر بـ "الفيوتشر".
ليش هيك بيعملوا؟ لما يكون السوق مليان ناس داخلة برافعة مالية عالية (Leverage) الحيتان بيضغطوا السعر لتحت عمداً هاد الهبوط بيخلي المنصات تسكر صفقات الناس غصب عنها (Liquidation) وهون بتتوفر "سيولة" ضخمة ورخيصة بيقدروا الكبار يلموها.
التوقيت القاتل: دائماً بينقوا الوقت اللي بتكون فيه السيولة ضعيفة والناس طمعانة ومحملة رافعات مالية لفوق طاقتها وبوم.. بيضربوا ضربتهم.
من الآخر :🔴🔴
"الكبار عم يغسلوا السوق" عم ينظفوا الركاب اللي داخلين بـ (رافعة مالية) لحتى يفضى الباص إلهن ولجماعة السبوت هنن عم يعبوا جيوبهم والناس اللي عم تضارب بالفيوتشر عم تدفع التمن.
نصيحتي 😉:
لا تضارب بالفيوتشر بهيك أوضاع لأنك رح تكون "وقود" للمحركات تبعهم خليك أذكى منهم .
